ترس بینین کاریگه‌ری هه‌ی له‌سه‌ر بینین

ئه‌و که‌سانه‌ی که‌ ده‌ترسن زۆر باش ده‌توانن ئه‌وشتانه‌ له‌یه‌ک جودا بکه‌نه‌وه‌ که‌ زۆر جوان نابینرێن له‌ حاڵه‌تی ئاساییدا.

  به‌ڵام زۆر به‌ که‌می ده‌توانن که‌ ئه‌وشته‌ی ده‌یبینن بتوانن به‌ وردی تۆماری بکه‌ن له‌ مێشکیاندا. ئه‌مه‌ش ده‌رئه‌نجامی توێژینه‌وه‌یه‌کی دانیشگای ڕۆته‌ردامه‌.

له‌ توێژینه‌وه‌که‌دا ئه‌وکه‌سانه‌ی که‌ بۆ تێست ده‌ستنیشان کرابوون وێنه‌ی خه‌ڵکانی ترساویان نیشان ده‌دان. ئه‌مه‌ش زانراوه‌ که‌ ئه‌م شیوازه‌ وێنانه‌ مێشک ئه‌کتیف ده‌کات وه‌ک ئه‌وه‌ی که‌ ئه‌و که‌سه‌ خۆی شتێکی ترسناکی دیبێت.

پاشان ئه‌و که‌سانه‌ی که‌ بۆ تێست ده‌ستنیشان کرابون ده‌بوایه‌ چه‌ند وێنه‌یه‌ک ته‌ماشا بکه‌ن، له‌ وێنه‌کاندا چه‌ند خه‌تێکی ئه‌ستوریان نیشان ده‌دا، ئه‌وکه‌سانه‌ی له‌ ژێر تاقیکردنه‌وه‌که‌دا بوون ده‌بوایه‌ بیانگوتبایه‌ ئایا خه‌ته‌کان له‌ سه‌ر باری پانی یان باری به‌رزی یه‌، وه‌ یان ئایا خه‌ته‌کان خواری یه‌کی تێدایه‌؟