هه‌موو منداڵێک ده‌گری به‌ میلۆدی زمانی ووتو وێژی دایکی

 توێژه‌ره‌وانی ئه‌ڵمانی له‌ وێرزبورگ سه‌لماندیان که‌ منداڵ به‌ میلۆدی زمانی دایکی ده‌گری، ئه‌م توێژینه‌وه‌یه‌ له‌ گۆڤارێکی ئه‌ڵمانی بڵاوکرایه‌وه‌ به‌ ناوی کورێنت بیۆلۆگی.

زانایان 60 منداڵیان له‌م تاقی کردنه‌وه‌یه‌دا به‌کارهێنا، له‌ ته‌مه‌نی 3 بۆ 5 ڕۆژیدا، منداڵه‌کان خه‌ڵکی ووڵاتی ئه‌ڵمانیا و فه‌ڕه‌نسا بوون. گریانه‌که‌یان تۆمار ده‌کرا به‌ مایکرۆفۆن، پاشان به‌ کۆمپیوته‌ر به‌راوردیان پێ ده‌کرد.

منداله‌ ئه‌ڵمانی یه‌کان زوو زوو به‌ به‌لایه‌نی زۆره‌وه‌ به‌ تۆنی به‌رز ده‌گریان وه‌ به‌ره‌و تۆنی نزم ده‌هاتنه‌ خواره‌وه‌،

منداڵه‌ فه‌ڕه‌نسی یه‌کان به‌ پێچه‌وانه‌وه‌، ئه‌مه‌ش په‌یوه‌ندی هه‌یه‌ به‌وه‌وه‌ که بۆ نمونه‌ ‌ زمانی فه‌ڕه‌نسی ڕیتمه‌که‌ی جودایه‌ له‌ ڕیتمی زمانی ئه‌ڵمانی و هۆڵه‌ندی. ئه‌م تایبه‌ت مه‌ندی زمانه‌ له‌ گریانی منداڵه‌کان ده‌رده‌که‌وێت.

لێکۆڵه‌ره‌وه‌کان هیوادارن که‌لێکۆڵینه‌وه‌که‌یان کێشه‌ی قسه‌کردنی منداڵ  زوو تر چاره‌سه‌ر بکه‌ن.