نانۆ ته‌کنه‌لۆجی و ژیانی هه‌تاهه‌تایی

زانایه‌کی ئه‌مریکی به‌ ناوی کورزوێڵ که‌ ته‌مه‌نی 61 ساڵه‌ ، ده‌ڵێت دوای بیست ساڵی تر ده‌توانرێت به‌ نانۆته‌کنه‌لۆجی زۆربه‌ی به‌شه‌کانی به‌ده‌نی مرۆڤ دروست بکرێته‌وه‌ تا ڕاده‌یه‌ک که‌ مرۆڤ بتوانێت بژی هه‌تا هه‌تایه‌.

هه‌ر ئه‌م زانایه‌ پێشتریش پێشبینی یه‌کی تری کرد بوو که‌ هاتۆته‌ دی.

ئه‌م زانیایه‌ ده‌ڵیت پێشکه‌وتنی کۆمپیوته‌ر وه‌ ڕادی تێگه‌یشتنی مرۆڤ له‌ جسمی خۆی به‌ خێرایی یه‌کی بێ ئه‌ندازه‌ به‌ره‌و پێشه‌وه‌ ده‌ڕوات. ئه‌مه‌ش وا ده‌کات که‌ له‌ ماوه‌ی بیست ساڵی تر زۆربه‌ی ۆرگانه‌کانی جسمی مرۆڤ به‌ نانۆ ته‌کنه‌لۆجی جێی بگیرێته‌وه‌.

کورزێڵ و چه‌ند زانایه‌کی تر وا بیر ده‌که‌نه‌وه‌ که‌ دوای بیست ساڵی تر مرۆڤ بتوانێت جسمی مرۆڤ سه‌رله‌نوێ پڕۆگرام بکاته‌وه وه‌ گۆڕانکاری تێدا بکات به‌ شێوه‌ی ویستراو.

کورزێڵ ده‌ڵێت له‌ کۆتایدا نانۆبۆتس جێگه‌ی خڕۆکه‌کانی خوێن ده‌گرێته‌وه‌، نانۆبۆتس کاره‌کان هه‌زار جار باشتر ئه‌نجام ده‌ده‌ن. له‌ ماوه‌ی 25 ساڵی ئاینده‌دا مرۆڤ ده‌توانێت 15 ده‌قیقه‌ ڕابکات به‌ خێرایی بێ ئه‌وه‌ی پێویستی به‌ هه‌ناسه‌ بێت،

وه‌ ده‌تانرێت 4 سه‌حات بچینه‌ ژێر ئاو به‌ ئۆکسجین.

ئه‌و که‌سانه‌ی که‌ کێشه‌ی دڵیان هه‌بێت ده‌توانرێت به‌ شێوه‌یه‌کی ئاسان له‌ ڕێگه‌ی دکتۆره‌وه‌ چاره‌سه‌ری بۆ بکێت به‌ نانۆته‌کنه‌لۆجی.

کورزێڵ ده‌ڵێت به‌ نانۆته‌کنه‌لۆجی توانای نوسین و خوێندنه‌وه‌مان زیاد ده‌کات، بۆ نمونه‌ به‌ چه‌ند خوله‌کێک بتوانیت کتێبێک بنوسیت.

به‌ نانۆ ته‌کنه‌لۆجی ده‌توانیت وا بکه‌یت که‌ ئه‌مره‌کانی مێشک بکوژێنیته‌وه‌ ته‌نها به‌ نانۆته‌کنه‌لۆجی کار بکه‌یت زۆر کرده‌وه‌کانیش به‌ وێنه‌ ده‌نێردرێت بۆ مێشک، ته‌نانه‌ت ده‌توانیت سێکس به‌ شێوه‌یه‌ک بکه‌یت بێ ئه‌وه‌ی نزیک بیته‌وه‌ له‌ که‌سی  به‌رامبه‌ر.

ئه‌مه‌ش واده‌کات که‌ مرۆڤ ده‌چێته‌ دونیایه‌کی تره‌وه‌ ئه‌ویش دونیای سایبۆرگ، نیوه‌ مرۆڤ نیوه‌ ڕۆبۆت.