ڕوسیا ،یه‌که‌م ‌‌هوتێلی ئاسمانی دروست ئه‌کات

ئه‌و که‌سانه‌ی زۆربه‌ی ووڵاتانی سه‌ر زه‌ویان بینیوه‌ ، ئیتر بێزار بون له‌ گه‌شتی  سه‌ر زه‌وی ،ئه‌توانن له‌مه‌ودوا بیر له‌ گه‌شتی ئاسمانی بکه‌نه‌وه‌.
له‌ ساڵی 2016 ه‌وه‌ گه‌شتیاران ئه‌توانن گه‌شت بکه‌ن بۆ هوتێلێك له‌ ناو  که‌شتی یه ئاسمانیه‌کان ، که‌ ئه‌توانن دیمه‌نێکی زۆر جوان و سه‌رنج ڕاکێشه‌ری سه‌ر زه‌وی له‌ به‌رزایی  350  کیلۆمه‌تره‌وه‌ له‌ ئاسمانه‌وه‌  ببینن .

کۆمپانیایه‌کی ڕوسی به‌ ناوی ( ئێڕ، کا،کا) به‌ هاوکاری کۆمپانیای ( ئۆڕبیتاڵ ته‌کنۆلۆگیس) ، له‌ 16 تا 21 مانگی ئابدا ، له‌ پێشانگایه‌کدا دیزاینی ئه‌م هوتێله‌ نمایشت ئه‌کات و پڕۆپاگه‌نده‌ی بۆ ئه‌کات ، به‌ڵام ئه‌وه‌ی جێی ڕه‌شبینیه‌ ، که‌س ناتوانێت بیر له‌ هوتێلێکی پله‌ نایابی 5 ئه‌ستێره‌یی بکاته‌وه‌ ،به‌ڵکو ته‌نها 4 ژووری دوو که‌سی یه‌ و له‌ ڕوبه‌رێکی بچوکدایه‌ ، به‌ڵام به‌ دڵنیایی یه‌وه‌ که‌س له‌م شوێنه‌  ته‌نگه‌دا بێزار نابێت ، کاته‌کانی زۆر به‌ خێرایی تێ ئه‌په‌ڕێت ،چونکه‌ هێنده‌ دیمه‌نی جوانی سه‌ر زه‌وی سه‌رسامی ئه‌کات.

نیاز وایه‌ ئه‌م که‌پسوله‌ ( هوتێله‌) به‌ ڕاکێتێك ڕه‌وانه‌ی ئاسمان بکرێت ، به‌ڵام تا ئێستا نرخی ئه‌م گه‌شته‌ دیاری نه‌کراوه‌.

بۆ زۆرتر  وه‌ررگرتنی زانیاری ئه‌توانی چاوێك به‌م سایته‌دا بخشێنیت:

www.orbitaltechnologies.ru

 خه‌بات لاوباخ