هه‌نگه‌کان شوێنی خۆیان وون ده‌که‌ن به‌ بۆنه‌ی دوکه‌ڵی ئۆتۆمۆبیله‌وه‌

لێکۆڵه‌ره‌وانی به‌ریتانی وا بیر ده‌که‌نه‌وه‌ که‌ پیسبونی ژینگه‌ له‌ ڕێگه‌ی ئۆتۆمۆبیله‌وه‌ کاریگه‌ریان هه‌یه‌ له‌سه‌ر مێشکی هه‌نگ ، به‌م هۆیه‌شه‌وه‌ هه‌نگه‌کان وون ده‌بن و شوێنی خۆیان نادۆزنه‌وه‌.

پیس بوونی هه‌وا له‌سه‌ر ئاستی (نانۆ- به‌ش) یه‌که‌م جار کاریگه‌ری ده‌بێت له‌سه‌ر خوێن و پاشان مێشکی هه‌نگه‌کان ئه‌مه‌ش ده‌بێت هۆی ئه‌وه‌ی هه‌نگه‌کان سیستمی نافیگه‌یشنیان تێک بچێت و شوێه‌نکانی خۆیان نه‌دۆزنه‌وه‌.

واته‌ پاش گه‌ڕان به‌ دوای شیله‌ی گوڵدا، له‌ کاتی گه‌ڕانه‌وه‌ بۆ ناو کۆڵۆنیکانیان ڕێگه‌ی ماڵیان لێ تێک ده‌چێت.

ئه‌م لێکۆڵینه‌وه‌یه‌ش ده‌بێته‌ بناغه‌یه‌ک بۆ دۆزینه‌وه‌ی سه‌به‌بی مردنی هه‌نگێکی زۆر له‌ دوری شوێه‌نکانی خۆیان.