پێڵاوێکی وه‌رزشی

دروستکردنی پێڵاوێکی وه‌رزشی که‌ خۆی له‌گه‌ڵ ژینگه‌ی وه‌رزشکاراندا ڕاده‌هێنێتله‌ جیهانی ئه‌مڕۆدا گرنگییه‌کی ته‌واو به‌ پێڵاوی وه‌رزشی دراوه‌،چونکه‌ ده‌بێت به‌ ته‌واوی پارێزگاری له‌ قاچ و جومگه‌ی وه‌رزشه‌وان بکات .به‌رده‌وام کۆمپانیای ئه‌دیداس له‌ هه‌وڵدا بوه‌ بۆ ئه‌وه‌ی بتوانێت داهێنانێک له‌م باره‌یه‌وه‌ به‌ئه‌نجام بگه‌یه‌نێت.کۆمپانیای ناوبراو ده‌ستیانکرد به‌ نه‌خشه‌سازی تازه‌ترین پێڵاو بۆ ماوه‌ی سێ ساڵ له‌م باره‌یه‌وه‌ هه‌مو هه‌وڵه‌کانیان خسته‌کار تا گه‌یشتنه‌ ئه‌و ئه‌نجامه‌ی توانیان له‌ پاژنه‌ی هه‌موو پێڵاوێکدا پارچه‌یه‌کی یارمه‌تیده‌ر هه‌بێت که‌ توانای خۆگونجاندنی هه‌بێت.لێره‌وه‌ کۆمپانیای ئه‌دیداس ئامانجه‌که‌ی فراوانتر بوو ، به‌ جۆرێک بیریان له‌وه‌ کرده‌وه‌ که‌ پێڵاوه‌ تازه‌که‌ توانای شیکارکردنی ئه‌و ڕوه‌ی هه‌بێت که‌ له‌سه‌ریه‌تی وه‌ک (جیاکردنه‌وه‌ی ڕوی ڕه‌ق و نه‌رم و شێدار و وشک) .هه‌رتاکه‌ پێڵاوێک دوگمه‌ی تایبه‌تی خۆی هه‌یه‌ له‌ توانایدایه‌ خۆی بگونجێنێت و له‌ ژێر به‌شه‌ چه‌ماوه‌که‌ی هه‌رتاکه‌ پێڵاوێکدا ئامێرێکی ئه‌لکترۆنی هه‌یه‌ پێی ده‌وترێت (مایکرۆپڕۆسێسه‌ر)، که‌ کۆنتڕۆڵی ماتۆڕێکی بچوک ده‌کات و به‌ستراوه‌ به‌و پارچه‌یه‌ی که‌ له‌ پاژنه‌ی پێڵاوه‌که‌دا جێگیره‌.هه‌موو پاژنه‌یه‌ک (سینسه‌رێکی) تێدایه‌ ده‌توانێت بڕی ئه‌و په‌ستانه‌ دیاری بکات که‌ له‌ هه‌ر هه‌نگاوێکدا دروستده‌بێت، پاشان زانیارییه‌که‌ ده‌نێرێت بۆ (مایکرۆپڕۆسێسه‌ره‌که‌) ئه‌ویش لای خۆیه‌وه‌ ئه‌و ڤۆڵتییه‌یه‌ دیاری ده‌کات که‌ ماتۆڕه‌که‌ پێویستی پێیه‌تی بۆ کۆنتڕۆڵکردنی خۆگونجاندنه‌که‌.